7 январь куни Цюрих шаҳридаги Kongresshaus конгресслар уйида ФИФА турли номинациялар бўйича йилнинг энг яхшиларини тақдирлади. Эътиборлиси, Ўзбекистон Футбол Федерацияси 2012 йил якунларига кўра FIFA "Fair Play" совринини қўлга киритди. FIFA "Fair Play" совринига якуний номзодлар қаторидан Гватемала Футбол Федерацияси ҳамда Туркиянинг "Эскишехирспор" футбол клуби ўрин олган эди, деб ёзади ЎФФ матбуот хизмати.

Эслатиб ўтамиз, Ўзбекистон Футбол Федерацияси 2012 йил якунларига кўра ОФК томонидан ҳам "Fair Play" соврини билан ҳам тақдирланди.

ЎФФ Президенти Мираброр Усмонов ФИФА вице-президенти Али Бин Ал-Ҳуссайн қўлидан нуфузли совринни қўлга олар экан, футбол ривожига қўшаётган ҳиссаси учун ФИФАга миннатдорчилик билдирди: "Ушбу соврин учун раҳмат. Футболга қўшаётган ҳиссангиз ва эътиборингиз учун миннатдорчилик билдираман. 2013 йил барча учун омадли келсин", - деди Мираброр Усмонов.

"Олтин тўп 2012” номинацияларининг ғолиблари:

Энг яхши футболчи: Лионель Месси (Аргентина)
Энг яхши аёл футболчи: Эбби Уомбак (США)
Энг яиройли гол: Мирослав Стох (Словакия)
Fair Play Awards: Ўзбекистон Футбол Федерацияси
Энг яхши мураббий: Висенте дель Боске (Испания)
Аёллар жамоасининг энг яхши мураббийи: Пиа Сундхаге (Швеция)
ФИФА президенти номидан мукофот: Франц Беккенбаур (Германия)

Шунингдек, 2012 йилнинг рамзий терма жамоаси ҳам эълон қилинди:

Икер Касильс, Марсело, Серхио Рамос, Хаби Алонсо, Криштиану Роналду (ҳаммаси – "Реал"), Херард Пике, Даниэл Алвес, Андрес Иньеста, Хави, Лионель Месси, (ҳаммаси – "Барселона"), Радамель Фалькао ("Атлетико").