21:42 VOY.UZ Choyxonasiga marhamat | |
 – Дада-дада! Арчамиз ёниб кетяпти! – Ёнмаяпти ўғлим, нур сочиб жилоланяпти. – Ҳа-а... Дада-дада, пардаларимиз ҳам нур сочиб жилоланяпти! * * * Ниҳоят ҳуқуқ-тартибот ходимлари ҳаммани овора қилган, арчанинг тагига портловчи модда қўйилгани ҳақидаги кўплаб ёлғон қўнғироқлари билан кўпчиликнинг тинчини бузган безорини тутишди ва камерага қамашди. Безори қонунга кўра, ўзининг бир марта қўнғироқ қилиб олиш имкониятидан фойдаланди ва ўт ўчирувчиларга арча ёнаётгани ҳақида хабар қилди. * * * Ниҳоят Ҳиндистондаги оилалар нима сабабдан бахтли ҳаёт кечириши ва қўша қариши сабаби аниқланди. Маълум бўлишича, тўй пайтида ҳинд келинининг пешанасига қизил хол қўйиларкан, куёвга эса снайпер милтиғи тақдим этиларкан. * * * – Сиз менинг ўғлимни уч йилдан бери биринчи синфда қолдиряпсиз! Қачон уни кейинги синфга ўтказасиз?! – Қачон кейинги синф нечанчи бўлишини билиб олса, кейин ўтказаман. * * * Янги йил оқшомида ресторанда: – Қани, янги йил учун олдик! – Ичолмайман, рулдаман. Деразага қараб туриб: – Ичавер, ҳозиргина машинангни ўғирлаб кетишди. * * * Банкда: – Тўлов қобилиятимга шубҳа қилмай менга қўрқмасдан кредит бераверинг. Молиявий аҳволимнинг мустаҳкамлигининг исботи сифатида сизга мана бу суратни тақдим этаман. Кўриб турганингиздек унда ўзимнинг уч қаватли ҳашаматли уйим ёнида суратга тушганман. – Жуда яхши, марҳамат! – Ие, нима бу?! – Сиз қарзга сўраётган пулларнинг сурати. * * * – Нега соғ тишимни суғуриб ташладингиз?! – Бизда янги йил акцияси кетмоқда, ким битта тишини олдирса, иккинчисини бепул суғуриб ташлаймиз! * * * – Қизим, нега музлаткич эшигини ҳар беш дақиқада очиб ёпаверасан, бирор нарса ўзгарадими беш минут ичида?! – Ўзгаради! – Нима ўзгаради? – Музлаткич ичидаги конфетлар сони камаяди. * * * Янги йил акцияси! Бизда энг ноёб шоколадлар мавжуд! Қўнғироқ қилинг! 8988998* * Бу телефон рақами эмас, шоколад нархи. * * * – Арчани бургалардан тозалаш бўйича қўлланмани қаердан топиш мумкин?! – Нима бало, қиладиган ишинг йўқми? – Қиладиган ишим бор, фақат зарур қўлланмани топа олмаяпман. * * * Кўчада аёллар суҳбатлашишяпти: Биринчи аёл: – Уй ишларига ҳеч қўлим бормайди-да. Деразалар ойнасини бир йилда аранг бир марта юваман. Иккинчи аёл: – Ие, ойнани бир йилда бир неча марта ювиш керакми? Учинчи аёл: – Ие, ойнани бир йилда бир марта ювиш керакми? Тўртинчи аёл: – Ие, ойнани ювиш керакми? * * * 31 декабр куни оммавий ахборот воситаларида Москванинг "Спартак” футбол клуби бош мураббийликка Моуриньо, Алекс Фергюссон ва Хосеп Гвардиолалардан бирини таклиф қилиш ниятида эканлиги ҳақида хабарлар тарқалди. 1 январ куниёқ бу уч мураббий телефон рақамлари ва уй манзилларини ўзгартирдилар. * * * Дўстим ичкилик ва ширинликлардан воз кечишимни маслаҳат берди. Жуда оғир бўлса-да, воз кечдим. Қийналиб кетдим кейин ҳарқалай яқин дўстим эди... | |
|
| |
| Всего комментариев: 6 | ||||||
| ||||||
