 Сардор Мамадалиев "Самандар, қаландар...” дея ўзбек санъатида танила олди. "Истиқлол”да концерт бериб, машҳурлигини юқорилатган хонанданинг ошиғи олчи. Тўйлари кўпайган. Яқинда у берган маълумотга кўра, озорбайжонлик бир хонанда "Сени ҳеч ким севолмайди менингдек” қўшиғини рухсатсиз куйлаган. Қўшиқ муаллифи Охунжон Мадалиев деб кўрсатилгани эса Сардорга қаттиқ ботган. "Ахир у айнан мен куйлаган қўшиқ сўзларини озорбайжон тилига ўгириб куйлаган. Охунжон Мадалиевнинг қўшиғи умуман бошқа. Бир хил шеърга куйлаганимиз билан қўшиқларимиз ҳар хил-ку! Менга муаллифлик ҳуқуқи бўйича пул ундириш ҳақида ҳам маслаҳат беришди. Бу маслаҳатни рад этдим. Муаллифни аниқ кўрсатсин-да”- дейди Мамадалиев. Хулоса шуки, озорбайжон куйчисининг қўшиғини тинглаб, ўзбек хонандаси ўғирлабди деган фикрга борманг!
Jasur
|
