 Жанубий Кореянинг Samsung компанияси 2 ой ичида 5 млн. дона Galaxy Note II смартфонини сотди. Охирги ойда сотилган аппаратлар сони 2 млн.тани ташкил қилди. Бунгача компания шу ойда Galaxy Note II смартфонининг 3 млн. донасини сотиши ҳақида маълум қилганди. Таъкидлаш жоиз, Samsung компанияси учун Galaxy Note смартфонининг биринчи нусхасидан 5 млн. дона сотиш учун 5 ой керак бўлганди. Эслатиб ўтамиз, Samsung Galaxy Note II 5,5-дюймли HD Super AMOLED-дисплейи билан жиҳозланган бўлиб, унинг ҳажми 1280 х 720 пикселни ташкил қилади. Exynos 4 Quad тўрт ядерли процессори 1,6 ГГц частотаси ва 2 ГБ хотирага эга. Смартфонда 8 ва 1,9 мегапикселли иккита камера, шунингдек NFC, Wi-Fi, GPS, Bluetooth ва 3100 мАч. қувватга эга батарея бор. Сотувда 16, 32 ва 64 ГБ хотирага эга моделлари бор. Смартфон девайси HSPA+ (21 Мбит/с) ва LTE тармоқларида ишлайди. Аппаратнинг қалинлиги 9,4 мм, оғирлиги 180 г.келади. Samsung Galaxy Note II ОС Android 4.1 Jelly Bean тизимида ишлайди.
|
