06:58 “Салом Наташа” премьераси | |
 Аввал хабар берганимиздек пойтахтдаги Алишер Навоий киносаройи бир неча кундан буён кино ва театр санъатининг энг илғор вакиллари, шоу бизнесимизнинг таниқли юлдузлари билан гавжум. Кеча III Олтин гепард Тошкент халқаро кинофорумининг "Томошабин билан ҳамнафас" дастури доирасида режиссёр Отабек Мирзахоловнинг "Салом Наташа" фильми премьераси бўлиб ўтди.  Премьера аввалидан таниқли санъаткорларимиз анъанага кўра сарой марказидаги қизил йўлакчадан ўтиб, томоша залига йўл олишди. Мухлислар олқиши, суратга тушиш илинжидаги томошабинлар, дастхат сўраётганларнинг эса кети узилмайди. Аввало эътиборимизни қизил йўлакчадан ўтган машҳурларга қаратсак. Шу куни бошловчилик актриса Райҳон Уласенова ва телебошловчи Отабек Тожибоевлар зиммасига юклатилди.  Йўлакчадан биринчилардан бўлиб Ўзбекистон халқ артисти Лутфулла Саъдуллаев ва Саида Раметова ўтишди. Шу ўринда Саида Раметованинг либосини алоҳида эътироф этиб ўтмасликнинг иложи йўқ. Актриса айни III Олтин гепард Тошкент халқаро кинофоруми доирасидаги тадбирларга миллий либосларимизда ташриф буюриб, ўзлигимизни тарғиб қилаётгани таҳсинга сазовор. Ўзбекистон халқ артисти Лутфулла Саъдуллаевнинг ёнида эса турмуш ўртоғи Ўзбекистонда хизмат кўрсатган артист Гулчеҳра Саъдуллаевани кўришга одатланиб қолганмиз. Негадир Салом Наташа фильмининг премьерасига Лутфулла ака қизи Муқаддас Саъдуллаева билан ташриф буюрди.      Юлдузларимиз бирин кетин қизил йўлакчадан ўтиб бўлишганидан сўнг ҳамма томоша залига чорланди. Саҳнага Ниҳол мукофоти совриндори Умидахон, хонандалар Руҳшона, Жаҳонгир Позилжонов, Уммон гуруҳи йигитлари таклиф қилинди.    Саҳнага Салом Наташа фильмининг ижодий жамоаси чорланди. Шу куни пермьеранинг энг латофатли маликаси Муниса Ризаева бўлди, десак муболаға бўлмайди. Рухшона ва актриса Ёрқиной Ғозиеванинг ҳам бундай катта маросимлар учун танлаган либоси чакки эмас. Бошқа санъаткорларимиз ҳам қаерга қандай либос кийишни улардан ўрганса ёмон бўлмасди, бизнингча.   Ижодий жамоа саҳнага чиққач фильм ижодкорлари бирин кетин таништирилди ва таништирув сўнгида хонанда Жаҳонгир Позилжонов фильм бош қаҳрамони хонанда Муниса Ризаеванинг таваллуд куни эканини айтиб унга томошабинлар қаршисида совғаларини топширди.  Фильмга келадиган бўлсак, у оилавий комедия жанрида суратга олинган. Унда Ўзбекистонда хизмат кўрсатган артистлар Жумадулла Раметов, Саида Раметова, Гулчеҳра Носирова, хонанда Муниса Ризаева, Жаҳонгир Позилжоновларни кўришингиз мумкин. Фильмнинг мавзуси ва умумий мазмунига баҳо беришни четга суриб қўямиз. Чунки, Жаҳонгир Позилжоновнинг фильмларига нисбатан айтилиши керак бўлган ҳамма гап айтиб бўлинган. Гапни гапир уққанга деб бекорга айтишмайди-ку ахир. Қисқасини айтганда, бу фильмни ёшларимизга қанчалик ўрнак қилиб кўрсатиш мумкинлигию, у реал ҳаётимизга тўғри келадими ёки аксинча йўл-йўлакай суратга олинганми деган саволлар, томоша вақтида жавобсизгича қоладI...VOY.UZ INOMBEK STUDIO TAYORLADI | |
|
| |
| Всего комментариев: 2 | |||
| |||
