20:26 REKLAMA ORTIDAGI PULLAR | |
 Bugungi kunimizni reklamasiz tasavvur qilish mushkul. TV, radio, gazetalar va hatto ko`chalarimiz ham reklamalar bilan to`lib toshgan. Kimlargadir reklama tomosha qilish yoqmasa, yana kimlardir o`z ishini shu orqali yurityapti. Mashhurlar ham bundan mustasno emas. Ular reklamalarda suratga tushish orqali mo`maygina daromad ishlab olishyapti. Masalan, tennischi Mariya Sharapova reklamada suratga tushish orqali tennisdan topgan pullaridan ko`ra ko`proq miqdorda pul topadi. Hozir biz Rossiya va G`arb yulduzlarining reklamadan topayotgan daromadlari haqida ma`lumot berib o`tamiz... DEMAK, ROSSIYA YULDUZLARI:Dima Bilan o`tgan yili Yevrovideniya tanlovida g`olib bo`lganidan buyon jinsi mahsulotlari reklamasida suratga tushadi. Bu orqali o`shiqchi yiliga 1 million dollarni qo`lga kiritadi."Blestyashiye” guruhining sobiq a`zosi, hozirda o`z yakkaxon faoliyatini boshlagan Janna Friske dezodorantlar reklamachisi hisoblanadi. Bu ish Jannaga yil davomida 500 ming dollarni taqdim etadi.Millionlab muxlislarga ega Sofiya Rotaru reklamalardan 200 ming dollar atrofida pul ishlab topadi. U asosan kungaboqar moylari reklama roligida suratga tushadi. Anastasiya Zavorotnyukni o`zbek muxlislari ham sharbat reklamasida ko`p ko`rishgan. Sharbatlar xonandaga har yili 150 ming dollar foyda beradi. Cho`lpan Xamatovani brilliantli soatlar reklamasida tomosha qilamiz. U bu xizmati uchun 150 ming dollar miqdoridagi mablag`ga ega bo`ladi. G`ARB YULDUZLARI MILLIONLAR OG`USHIDA: Gollivud go`zali Ketrin Zeta-Jons kinoda ham ko`p gonorar olishi bilan mashhur. Telefon operatori kompaniyasi esa uning daromadlariga har yili yana 20 million dollarni qo`shib beradi. Sababi Ketrin ularning reklama roligida suratga tushadi-da. Nikol Kidmanni biz atirlar reklamasida ko`rishimiz mumkin. Bu bizga atir haqida ma`lumot beradi, Nikolga esa yiliga 12 million dollar qo`shimcha daromad. Anjelina Joli yil yakuniga ko`ra eng qimmat gonorar oladigan aktrisalar ro`yxatida ikkinchi o`rinni band etib turibdi. Aqlli Gollivud yulduzlari ro`yxatida esa u 33-o`rinni egallagan. Ko`pgina davlatlardan qarovchisi yo`q bolalarni o`ziga farzand qilib olib, alohida e`tibor qozongan aktrisa reklamalardan har yili 12 million dollar pul ishlab topadi. Uning bu sohadagi asosiy yo`nalishi turli xil kiyim-kechaklar. Xotini ishlaganida albatta eri ham qarab turmasligi kerak. Shuning uchun Bred Pitt ham o`ziga ma`qul soha reklamasida suratga tushishni boshlab yubordi. U pivo ichimligini reklama qilyapti. Bu unga yil davomida qo`shimcha 5 million dollarni taqdim etadi.Gvinet Peltrouga ayollarga xos mahsulotlar reklamasini taklif etishgan. U parfyumeriya reklamachisi hisoblanadi. Bu ishi uchun aktrisa yiliga qo`shimcha 3 million dollarga ega bo`ladi. Sharliz Teron ham hamkasbi Nikol Kidman kabi atirlar reklamasida suratga tushadi. Ammo buning uchun u Nikoldan olti barobar kam pul oladi. Ya`ni u yiliga 2 million dollar to`lashlariga rozi bo`lgan. Mana xorij mashhurlarining reklamalardan topayotgan pullari haqida ma`lumotga ega bo`ldingiz. O`zimizning yulduzlarimiz orasida ham yaxshigina mablag` orttirganlari bor. Ammo ularning bu faoliyati uzoqqa cho`zilmaydi. | |
|
| |
| Всего комментариев: 4 | |||||
| |||||
