 "M&TVA 2012” тақдимот маросимида "Йилнинг энг яхши аёл хонандаси” номинациясида ғолибликни қўлга киритган Райҳон Ғаниева мукофотнинг масъулиятини ҳис қилган ҳолда иккита янги қўшиғига видеоклип тайёрлаяпти.
Бироқ қўшиқнинг номи ҳам, видео клипнинг мавзуси ҳам ҳозирча сир тутилмоқда. Мазкур клипда Райҳоннинг турмуш ўртоғи Йигитали ҳам иштирок этади, деган тахминлар бор. Дарвоқе, Райҳон концерт борасидаги доимий анъаналарга чек қўйди. Унинг бу йилги концерт дастури апрел ойининг охирларида бўлиб ўтиши режалаштирилмоқда. Кўпчиликка маълумки, апрел ойида бир неча йилдан буён Ўзбекистон халқ артисти Озодбек Назарбеков концерт беради. Қизиқ, наҳот энди Райҳон Назарбеков билан рақобатга киришса?!
|
