 Хонанда Фирдавс Пазлиддиновнинг либослари ўғирланганлиги ҳақидаги гапларни эшитдик. Наҳот, ҳақиқат бўлса, дея хонандага қўнғироқ қилдик:
— "Юрагим орзуга етсин”, "Хаёлим ўзингда” номли янги тароналаримга клип олиш ишларини бошлаш арафасида эдик. Эрталаб таксига қўлимда либосларим билан чиқдим.
— Узр, нимага таксига чиқдингиз? Автомобилингиз бор эди-ку!
— Суратга олиш ишларидан бир кун олдин автомобилимни таъмир учун устахонага бердим. Киракаш мени таниганлиги учун манзилга етгунча суҳбатлашиб кетдик. Гаап билан бўлиб, либосларни ўша машинада унутиб қолдирибман. Шунинг учун суратга олиш ишлари бир кунга сурилди. Ҳайдовчи билан гаплашиб кетганим ҳам яхши бўлган экан. Унинг ўзи мен машинасига чиққан жойимдан суриштириб, уйимизни топибди. Либосларимни олиб келиб берди. Мен буни кутмагандим.
|
