Бу йилги «Оскар» ғолиблари 2-мартда аниқланади. Ҳозирча, номзодлар билан батафсил танишиш имконимиз бор. "Йилнинг энг яхши фильми” номинацияси бўйича қуйидаги фильмлар даъвогарлик қилади:

 "12 йил қуллик”, "Американча қаллоблик”, "Капитан Филлипс”, "Гравитация”, "Филомена”, "Уол-стрит бўриси”, "У”, "Даллас харидорлари клуби”, "Небраска”.

 АҚШ киносанъати Академияси эълон қилган асосий номинациялар бўйича номзодлар:

 "Йилнинг энг яхши режиссёри”

 Дэвид О. Рассел ("Американча қаллоблик”), илмий-фантастик картина – "Гравитация” учун "Олтин глобус”ни қўлга киритган мексикалик режиссёр Альфонсо Куарон, Александр Пейн ("Небраска”), Мартин Скорсезе ("Уолл-стрит бўриси") ва Стив Маккуин ("12 йил қуллик").

 
"Энг яхши драматик актёр”:

Брюс Дерн ("Небраска”), Леонардо Ди Каприо ("Уолл-стрит бўриси"), Мэтью Макконахи ("Даллас харидорлар клуби"), шундай йўналишда яқинда "Олтин глобус”да тақдирланган актёр Чиветель Эджиофор ("12 йил қуллик”), Кристиан Бейл ("Американча қаллоблик").

"Энг яхши драматик актриса":

Эми Адамс ("Американча қаллоблик"), Кэйт Бланшетт ("Жасмин"), Сандра Буллок ("Гравитация"), Жуди Денч ("Филомена") ва Мерил Стрип ("Август").

"Энг яхши хориж фильми” бешталигига киритилганлар:

 "Синган айлана”, "Ов”, "Буюк гўзаллик”, "Йўқолган сурат”, "Умар”. 

"Оскар”нинг олтин ҳайкалчалари 86-тақдимот маросимида Лос-Анжелесда баҳорнинг иккинчи кунида ғолибларга топширилади. "Оскар” тақдирини АҚШ киносанъати академиясининг 5856 та аъзоси ҳал қилади.

Жасур ҲАМРОЕВ