08:12 ОМАДЛИ ГАСТРОЛЛАР! | |
 Юлдуз Усмонова 3-6 сентябр кунлари Исроил Пойтахти Тель-Авив шаҳрида ўзининг эксклюзив концертини тақдим этди. Ўзбекистон ва Исроил дипломатик муносабатларининг 20 йиллиги муносабати билан ташкил этилган концерт примадоннанинг мухлислари учун орзиқиб кутилган дамларни туҳфа этди. Тошкентдан келган учоқни катта қувонч ва ҳаяжон билан қарши олишди: ахир, унда интиқиб кутилган куйчи бор! Юлдузнинг кайфияти аэропортдан кўтарилди. Ўзгача ҳурмат ва эътибор билан қарши олинган ижодий гуруҳга бутун гастрол давомида меҳрга тўла ҳамроҳлик хизмати кўрсатилди. Тель-Авивнинг марказидаги нуфузли концерт залида хонанда уни соғинган барча мухлислари ва махсус меҳмонлар учун ажойиб дастурини тақдим этди. Ҳар галгидек юрагидан куйлади, ёйилиб рақсга тушди, қайғуга чўмиб хониш қилди...Куйлагани каби ҳам ёнди, ҳам ёндирди! Томошабинлар орасида Исроил пойтахти мэри ҳамда Исроилдаги Ўзбекистон элчисининг ҳам борлиги ҳануз Юлдузга бўлган юксак эҳтиром ўз жойида эканлигидан дарак беради. Хонанда концертининг бошидаги блокида "Guli collections” либосларидан бирида намоён бўлди. Концертдан сўнг хонанда Исроилнинг муқаддас ва қадимий шаҳри Қуддусга йўл олди. Тарихий обидаларга бой шаҳарнинг сайёҳлар аримайдиган қадамжоларини зиёрат қилиб, Тошкентга қараб йўл олди. Учиб келибоқ, яна ижодга шўнғиган Юлдуз тўй хизматларини якунлаб, Чимкент шаҳрига равона бўлди. Бугун "Осиёнинг олтин овози” Чимкентдаги ЦИРКда янги яккахон концертини Қозоғистоннинг юртимизга чегарадош шаҳридаги мухлисларига тақдим этади. Олға, Юлдуз | |
|
| |
| Всего комментариев: 1 | |
|
| |
