08:49 МАЙКЛ ЖЕКСОННИНГ ҚИЗИ ЎЗ ЖОНИГА ҚАСД ҚИЛДИ!? | |
 Лос-Анжелес шифохоналаридан бирига куни кеча Майкл Жексоннинг қизи Пэрис , жонига қасд қилган ўсмир олиб келинди. 15-яшар қиз ўз кафтини чопган. Воқеадан олдин у твиттердаги саҳифасида Биттлзнинг "Yesterday" қўшиғидан шундай қаторини келтиради:"кеча, менинг ғам-ташвишларим жуда узоқда қолди". Қизнинг онаси Дебби Роуга кўра, Пэрис Мэрилин Мэнсон ва Элис Купер иштирокидаги рок-концертга бориши учун рухсат ололмагани боис, кайфияти бузилиб, кафт венасини гўшт майдалайдиган болта билан чопишга уринган. Яна у "мотрин” – оғриқсизлантирувчи ва иссиқ туширувчи таблеткадан кўп миқдорда қабул қилган. "Гоҳида ҳиссиётларга бой 15-ёшли ўсмирга ҳамма нарса жуда таъсирчан бўлади. Бу яқин инсонни йўқотганларда оғир кечади. Пэриснинг физик ҳолати жойида, у керакли муолажаларни олмоқда. Илтимос, унинг шахсий ҳаётини, шахсий оиласини ҳурмат қилинг", - дея изоҳ беради, қизнинг адвокати Перри Сандерса. Клиникада Пэррис кафтига "кўплаб тикиш”лар ўрнатилди. Оила атрофидагиларнинг айтишича, сўнгги пайтларда Пэрис қаттиқ стрессларни бошидан кечирмоқда. Июн сўнггида Макл Жексоннинг сўнгги гастроли ташкилотчиси -AEG Live компаниясига қарши ўтадиган суд жараёнларида гувоҳлик бериши керак. Ундан ташқари, қиз отасининг ўлимидан бери руҳий тушкунликда қолмоқда. Ахир, Майкл Пэрис ҳаётида унинг энг яқин инсони эди. Яна унинг твиттердаги микроблогида шундай сўзлар қолдирилган: "Изтиробли кўзёшлар нимадан? Кеча менинг муаммоларим анча узоқ эди, энди улар жудаям яқин". Кўпчиликнинг фикрича, рок-концертга рухсат ололмаганлик - бир баҳона, аслида Пэриснинг ўз жонига қасд қилиши - марҳум отасининг ҳали адоғига етмаётган, суд аралашган қалтис ишларидан қутулиш йўлидаги бир номақбул ҳаракатдир. Эслатиб ўтамиз, поп-идол Майкл Жексон 2009 йилда вафот этди. Машҳур хонанданинг учта фарзанди бор - Принс Майкл Жексон, Принс Майкл Жексон II ва Пэрис Майкл Кэтрин Жексон. Марҳум отанинг бу фоний дунёда қолдириб кетган алғов-далғовларини фарзандлари ва яқинларининг енгиши осон бўлмаяпти. Яшаш шуниси билан синовли! Умринг тугагани билани муаммолар тугамайди. Нотўғри ҳаёт кечирсанг, гўрингда тикка ҳам ётасан! Жасур ҲАМРОЕ | |
|
| |
| Всего комментариев: 8 | |||||||
| |||||||
