Мадина Мумтоздан илк концерт дастури Жорий йилнинг 17 май куни пойтахтимизнинг Туркистон саройида "Ниҳол" давлат мукофоти совриндори Мадина Мумтознинг "Болажон" деб номланган илк яккахон концерт дастури бўлиб ўтди.

Дастурда Қўшчинор, Дугоналар, Салламно, Болажон каби қўшиқлар томошабинларга янада манзур бўлди. Ота ҳақида куйланган қўшиқ барча томошабинлар қалбига жиддий таъсир қилди. Концертда Комедия.уз резидентлари ҳам меҳмон санъаткор сифатида иштирок этишди. Мадина Мумтозни Ўзбекистон халқ артисти Лутфулла Саъдуллаев қутлаб, келажакда санъатда бунданда юқорироқ чўққиларни забт этишига тилакдош эканлигини таъкидлади. Рақсларни Тошкент зеболари рақс ансамбли раҳбари Карима Узоқова саҳналаштирган. Дастур сўнгида "Соғлом бола" йилига бағишланган Болажон қўшиғи куйлаб, Мадина Мумтознинг фарзанди жажжи Мухаммадюсуф ҳам саҳнага чиқди. Концерт 2 сеансда ўтказилди.