 2012 йил 3-6 сентябр куни ўзбек эстрадасининг таниқли намоёндаси, Ўзбекистон халқ артисти Юлдуз Усмонова Исроилнинг Тель-Авив шаҳрида ижодий сафарда бўлди. Санъаткорнинг матбуот хизмати тарқатган маълумотга кўра, 4 сентябр куни Тель-Авивдаги муҳташам саройлардан бирида Юлдуз Усмонова Ўзбекистон ва Исроил давлатлари ўртасида дипломатик алоқалар ўрнатилганлигининг 20 йиллиги муносабати билан концерт дастурини берган. Гулдурос қарсаклар билан кутиб олинган хонанда шу куни ўзининг янги ва яхши қўшиқларини ижро этди. Концерт дастурига Тель-авив шаҳар мэри ва Ўзбекистоннинг Исроилдаги элиси ҳам ташриф буюришган.
Маълумотларга кўра, шу кунларда примадонна Қозоғистоннинг Чимкент шаҳрида концерт бериш учун тайёргарлик кўрмоқда. 10 сентябрга мўлжалланган концерт дастури Чимкентдаги Цирк мажмуасида бўлиб ўтади.
|
