8 май куни Алишер Навоий номли киносаройида йилнинг энг узоқ кутилган фильми эътирофига сазовор бўлган “Юрак йиғлар” фильмининг тақдимот маросими бўлиб ўтди.

Фильмни суратга олишда режиссёр Акром Шохназров, оператор Бекзод Пўлатов, монтажчилар Шаҳзод Пўлатов, бош рассом Хусан Пўлатовлардан ташкил топган ижодий жамоа иштирок этган .

Фильм “Беном” гуруҳи яккахонлари Сарвар ва Комилнинг кино соҳасидаги илк ижодий иши бўлди. Мазкур картина учун Сарвар ва Комил ҳамда ҳонанда Шаҳзода саундтрек куйлашди.

Тақдимот куни киносаройнинг катта зали томошабин билан тўлди. Гўзал муҳаббат учбурчагини талқин этган янги “Юрак йиғлар” фильми аввалида томошабинлар шу номдаги саундтрекни катта олқишлар билан кутиб олишди.

Фильмдаги бош қаҳрамонларни Сарвар ва Комил, Зарина Низомуддинова, “Диёр” гуруҳи ҳамда Баҳрул Курбоновлар ижро этишган. Шунингдек кинокартинада устоз санъаткорлар Жумадулла Раметов ҳамда Муяссар Бердиқуловалар иштирок этган.