 Kanadalik yosh honanda Jastin Biber Londonning O2 Arena konsert zalidagi chiqishi vaqtida nafas olishi qiyinlashib, hushini yo‘qotdi.19 yoshli qo‘shiqchini menejer Skuter Braun sahna ortiga olib chiqdi va konsertga tashrif buyurgan muhlislarga Jastinning sog‘lig‘i joyida ekanligini ta’kidladi, deya xabar beradi The Hollywood Reporter nashri. rasm:lenta.ru
rasm:lenta.ru
Oradan 20 daqiqa o‘tgach, honanda yana sahnaga qaytib, qolgan qo‘shiqlarini ham ohirigacha ijro etdi.
Konsert dasturi yakuniga yetgach, Jastin hushsizlik sababini aniqlash uchun kasalxonaga yo‘l oldi. Shifokorlarning aytishicha, hushdan ketishga asosiy sabab — organizmning qattiq zo‘riqishi ekan. U Twitter’dagi sahifasida o‘zini yaxshi his etayotgani haqida yozib, qo‘llab-quvvatlagan muhlislariga esa minnatdorchilik bildirdi.7-mart kuni u dam olishni rad etib, navbatdagi uchinchi konsert dasturini taqdim etdi. Biberning ashaddiy muhlislari esa uning zo‘riqishidan havotirga tushib, Twitter sahifalarida tinmay #justintakeabreak ("Jastin, tanaffus qil”) tegi ostida fikrlar qoldirishdi.
|
