08:53 ДИҚҚАТ! ДИҚҚАТ! ДИҚҚАТ! | |
 Бобокалонларимиз Алишер Навоий ва Заҳириддин Муҳаммад Бобур таваллуди муносабати билан ташкил этилаётган катта мусиқий-маданий концертга ҳозирлик қизғин. Махсус саҳна декорацияси устида энг таниқли ва ўз ишининг устаси бўлган декораторлар гуруҳи тер тўкмоқда. Концертни ҳар томонлама етук даражада, юқори савияда ўтиши учун санъат оламининг энг кўзга кўринган ижодкорлари, эл суйган санъаткорлар, атоқли шоирлар, театр ва кино оламининг ҳақиқий истеъдодларидан таркиб топган ижодий гуруҳ бор имкониятларини ишга солган. "Art Modern Music” халқаро продюсерлик маркази жонбозлик кўрсатаётган ушбу лойиҳа "Обод турмуш” йилида энг эсда қоларли, маънан бой дастур бўлишига умид қиламиз! Марказ раҳбари, концерт продюсери Феруза Мурадованинг айтишича, чипталарнинг бир қисми намунали маҳаллаларга, меҳрибонлик ва ногиронлар уйларига, кам таъминланган оилаларга ҳамда олий ва ўрта-махсус таълим масканларининг иқтидорли ёшларига бепул тарқатилади. Эзгу ишнинг кечи йўқ. Шундай экан, бу борадаги сайъ-ҳаракатлар бардавом бўлсин! Эслатма: Айрим сабабларга кўра концерт кунлари кўчирилди. Харид қилинган барча чипталар ўз кучида қолади. Чипта харид қилишга улгурмаганлар "Истиқлол” санъат саройи чиптахоналарига мурожаат қилишлари мумкин. | |
|
| |
| Всего комментариев: 3 | ||||
| ||||
