 Бугундан бошлаб бутун Осиё бўйлаб Жаҳон чемпионати саралаш баҳсларининг энг сўнгги босқичига старт берилади. Ўзбекистон Миллий терма жамоаси бу босқични ўз майдонида Эрон терма жамоасига қарши учрашув билан бошлайди. Дастлабки қадам ҳамиша муҳим бўлиб келган. Бугун терма жамоамиз ғалаба қозона олишса, 8 июнь куни сафарда Ливан терма жамоасига қарши кечадиган ўйинда зиммаларига тушадиган босимни анча камайтиришга муваффақ бўлишади.
Бугунги ўйин давомида бир қатор "Илк” сўзидан бошланувчи воқеалар рўй бериши мумкин. Ўзбекистон терма жамоаси Осиёда ўзига қарши тўп сурган терма жамоалар ичиида фақатгина Австралия ва Эронни мағлубиятга учрата олмаган. Демак, бугун ғалаба қозонадиган бўлсак, бу бизнинг илк ғалабамиз бўлади. Шунингдек, фақатгина Австралия ва Эрон терма жамоаси дарвозасини ишғол қилиш ҳали насиб этмаган термамизга. Эрон дарвозасига Ўзбекистон терма жамоасининг илк тўпини киритиб, тарихдан жой оладиган футболчи ким бўлади? Насиб этса бугун буни билиб оламиз.
Юртимиздаги футбол мухлислари ҳам бугун "ўртоқлик ўйинлари, дисквалификацифлар” каби барча муаммоларни унутиб, ўртадаги ўзаро низоларни бир четга суриб қўйиб, футболчиларимизни чин дилдан қўллаб-қувватлашлари керак бўлади. Зеро ҳозир фақат ва фақат терма жамоамизга далда бўлиб туриш керак бўлган пайт.
Қани, "Реал” ва "Барселона” мухлислари, бир-бирингизга қўл ташланг. "МЮ” фанатлари "Манчестер Сити”нинг ишқибозлари билан елкама-елка туринг. "Арсенал”ни яхши кўрадиганлар "Челси” мухлисларини ёнингизга чорланг. "Пахтакор” фан-клуби аъзолари "Бунёдкор” фан-клубига қўшилинг. Барчангиз устингиздаги турли клубларнинг ранг-баранг футболкаларини ечинг. Бугун бутун стадион оппоқ либосга бурканадиган кун. Бугун барча секторлар фақат битта номни айтиб, бақиришади: ЎЗБЕКИСТОН! ЎЗБЕКИСТОН!
|
yutiwsa i4iwamiz yutiwmasa 
