Куни кеча Голивудда “Малефисента" фильми премьераси бўлиб ўтди.

Премьерада Анжелина Жоли ва Брэд Питт қатнашдилар. Аммо, премьера давомида кўнгилсиз воқеа содир бўлди. Украиналик журналист Виталий Седюк Брэд Питтга ҳужум қилди. воқеа El Capitan кинотеатрининг қизил йўлакчасида содир бўлди. Седюк тўсиқни кесиб ўтиб, Питтга ташланди.

Актер ўзини йўқотмади у журналистга нисбатан жавоб қайтарди. Шундан сўнг, қўриқчилар уни ушлаб олишди. Бир оз вақтдан сўнг, Седюк икки полиция ходими назоратида олиб кетилди. Питтга ҳужум қилинганида Анжелина Жоли қизил йўлакчанинг бошқа қисмида эди.

Виталий Седюк аввалари ҳам шунга ўхшаш жанжаллар кўтарган. У актриса Америка Феррера юбкасининг тагига бошини тиқмоқчи бўлган, Леонардо Ди Каприо шимига юзини босган, Уилл Смиттдан бўса олмоқчи бўлган ва Брэдли Куперга тиз чўккан.