17-yanvarda Prinston universiteti mexanika va aerokosmik muhandislik fakulteti tadqiqotchilari Jon Kannarella va Joshua Spekler ijtimoiy saytlarning rivojlanish dinamikasiga bag‘ishlangan ilmiy ishini e’lon qildi. Ular boshqa tarmoqlarning rivojlanishi haqidagi tarixiy ma’lumotlar asosida Facebook foydalanuvchilari soni kamayishini bashorat qildi. Tadqiqotchilarning ilmiy ishi Kornell universiteti kutubxonasi saytida e’lon qilindi. Bu haqda TJournal xabar beradi.

Foto: mate-expo.ru

Tadqiqotchilar ijtimoiy tarmoqlardan foydalanuvchilarning aniq soni odatda yashirincha hisoblanib, bunday ma’lumot ochiq emasligiga shikoyat qildi. Bunday ma’lumot o‘rnida ular Google’dagi qidiruv so‘rovlari ochiq statistikasidan foydalandi. O‘zlarining nazariyasini sinovdan o‘tkazish uchun tadqiqotchilar MySpace ijtimoiy tarmog‘i statistikasidan namuna sifatida foydalandi.

© TJournal

Google’da Facebook’ni qidirganlar soni ma’lumotlari hamda MySpace tarixini taqqoslab, Kannarella va Spekler Facebook 2015— 2017-yillarda foydalanuvchilar bazasining 80 foizini yo‘qotadi degan xulosaga keldilar.

Manba: daryo.uz