 10 киши қурбон бўлди, 50 киши жароҳатланди."Ал-Жазира" телеканалининг хабар беришича, бугун Саудия Арабистони пойтахти Ар-Риёд шаҳрида газ ташувчи машинанинг портлаши натижасида ўн киши қурбон бўлган, 50 га яқин киши жароҳатланган.Жароҳатланганлар ва вафот этганлар пойтахт касалхоналарига етказилди. Бугун эрталаб газ ташувчи машина Ар-Риёд шарқидаги кўприкнинг таянч устунига келиб урилган. Йўл-транспорт ҳодисаси натижасида кучли портлаш ва ёнғин рўй берди. Газ ташувчи машинанинг ўзи ва яна ўнга яқин ён-атрофдаги автомобиллар бутунлай ёниб кетди. Шу яқин орада жойлашган саноат иншоотига жиддий зарар етган. Ёнғин хизмати куннинг биринчи ярмида оловни ўчиришга ҳаракат қилди бироқ шифокорлар жароҳатланганлар ва вафот этганларга яқинлаша олишмаган.
|
