Россия пойтахти ва нихоят узоқ кутган концертини кўришга муваффақ бўлди. "Зимний сон” таронаси билан юракларга бир лахзада ўтдек кириб келган латофатли хонанда Алсу, 10 йиллик танаффусдан сўнг Москвада яна энг мухташам концерт саройларидан бири "Крокус Сити Холл”да яккахон концерт дастурини тақдим этди. Концерт дастури кутилганидек жуда илиқ хароратда, соғинилган қўшиқларнинг янгича талқини хамда кўплаб дуэтлар билан ўтди. Энрике Иглесиас билан бир пайтлар ижро этилган "You Are My Number One” қўшиғини Дима Билан бирга ва яна Филипп Киркоров,  Иосиф Кобзон, Сосо Павлиашвили, Лев Лешенколар билан хам дуэтлар ижро этган Алсу, ўзининг қувончини яшира олмай бир неча бор йиғлаб юборди. "Турмуш ўртоғи Алсуга қўшиқ айттирмайди- дейдиганларга жавобим мана шу бугунги концертим. Уни бутунлай бошидан охиригача севгилим Ян Абрамов тайёрлади”, дея концертини якунлади Алсу. Бу билан Алсу яна ижодга қайтдими ёки йўқ буниси бизга қоронғу аммо шундай бўлишини жуда хохлаган бўлардик.